Toki Pona imaje toliko 9 konsonantov i 5 samoglasok. Kliknite na ktoru-libo bukvu, da by uslyšati, kako zvuči!
Konsonanty
| Gubne | Prědn.jezyč. | Zadn.jezyč. |
|---|---|---|
| m | n | |
| p | t | k |
| s | ||
| w | l | j |
Samoglasky
| Prědne | Srědne | Zadne |
|---|---|---|
| i | u | |
| e | o | |
| a |
Jestli govorite Medžuslovjansky, množinstvo tutyh glasok jest vam znajemo! Bukva j izgovarjaje se kako [j] (napriklad v slovu jezyk), a ne kako Anglijsky j v slovu jam. I vsaka samoglaska izgovarjaje se vsegda jednako, bez molčnyh liter – kako i v Medžuslovjanskom.
Ale jest několiko njuansov, na ktore trěba vnimanje, ili uvaga:
- Jedina glaska Toki Pony, ktoru Medžuslovjansky ne imaje, jest w. Izgovarjaje se kako Anglijsky w (ili kako ł v Poljskom). Ale izgovarjati v zaměsto [w], jestli tak mnogo legše, jest tož ugodno.
- Nemaje tvrdyh i mekkyh konsonantov: v slogah [la li lu] koristaj jednaku [l], ne silno tvrdu i ne silno mekku.
V Medžuslovjanskom jedin slog može sodržati mnogo konsonantov: strah, smrt, mgla. Ale v Toki Poně prěd samoglaskoju može stati toliko jedin konsonant, a poslě samoglasky može slědovati toliko n: ken, li, wan, a.
Akcent padaje na prvy slog: pona, ala, i takože v mnogosložnyh slovah: kalama, akesi.
Poslušajmo několiko slov v Toki Poně:
Kliknite na slova, da by uslyšati, kako zvučet!
| Slovo | Značenje | Koristne sověty |
|---|---|---|
| jan | člověk | Zapametajte izgovor bukvy j! |
| telo | voda | i i e ne silno směkčajut konsonant — telo, ne tělo! |
| kute | slyšati | Bukva e na koncu zaisto davaje zvuk, ne jest něma! |
| wawa | sila | Praktikujte izgovor bukvy w! |
| nanpa | čislo | Mimohodom, pišemo np, ale obyčno izgovarjajemo mp! |
| kalama | zvuk | Prověrite, že akcent padaje na prvy slog! |
| akesi | jaščer | Slova mogut počinati se samoglaskoju! |