Ostavaje ješče toliko jedno važno slovo, prěd tym, kako dojdemo do zabavnoj česti!
ale, toliko
taso može byti obyčny pridavnik, ktory znači „toliko“, ale može takože stojati na početku rěčenja i značiti „ale“.
mi taso li sona e ni.
Toliko ja znaju o tom.
mi awen wan taso.
Ja ostavaju sama.
taso mi awen pilin pona.
Ale ja ostavaju se v dobrom duhu.
Zabava!
n jest medžumetje, tako samo kako a, ale nosovo:
hm, mm
n... mi sona ala.
mmm... ja ne znam.
mu jest zvuk, ktory izdavaje zvěr! Ktory zvěr? Nu, ktory-libo:
mu, mjau, hau, ihaha...
Ljudi često koristajut mu za zabavu, ale ono i napravdu koristno. Jestli kalama jest opis zvuka, to mu jest imitacija zvuka:
mi kute e kalama suli.
Ja uslyšala glasny zvuk.
mi kute e mu suli.
Ja uslyšala glasny trěsk.
ike la ilo li awen mu e mi.
Na žalost, aplikacija prodolžaje mi piskati.
Vyše slov?
Uže jesmo pogledali na vse slova, ktore sut vam potrěbne, da by govoriti na tom jezyku. Ale ljudi koristajut malo vyše slov. Začto? Ibo slovam ne vsegda trěba byti koristnymi. Služet takože zabavě. I možlivo nijedno slovo ne izražaje zabavu lučše neželi tuto:
jenot (rakun); zvěr podobny jenotu, kako kakomiksl, črvena panda, kinkažu
Ono jest tako dolgo! I tako specifično! To jest zato, že to jest aprilska směška iz 2009 goda. Ale ljudi vozpomněli jego mnogo lět pozdněje i poljubili jego! To slovo stalo se někakym talismanom.
Tute dva slova takože potrěbujut historičnu zapisku:
(interagovati s knigoju) Toki Pona: The Language of Good (2014), napisanoju Sonjeju Lang
(interagovati s knigoju) Toki Pona Dictionary (2021), napisanoju Sonjeju Lang
Tute slova odnoset se konkretno k knigam, napisanym Sonjeju Lang, tvoriteljkoju Toki Pony. Začto imajut osoblive slova? Možlivo, ibo to jest zabavno. Možlivo, ibo ljudi ljubet govoriti o tom, čto jest v knigah i čego v njih ne jest – zatom tute slova sut prigodne.
Jestli pristupite do občiny Toki Pony, mnogo věrojetno uvidite vyše slov. Kogda jih uvidite, pomyslite o njih kako o kulturnyh artefaktah. Oni jestvujut ne da by jezyk funkcionoval – uže jeste viděli vse o tom, kako on funkcionuje! – ale raděje da by eksperimentovati, zabavjati se, byti kreativnymi, tvoriti vnutrne směšky.
kijetesantakalu tonsi li lanpan ala lanpan e soko?
Či nebinarny jenot krade griby?
Možlivo ne znajete slovo lanpan, ale vidite prěklad i uže znajete dost, da by najdti prigodnu zaměnu iz obyčnyh slov ( kama jo)! Podobno jest s inymi slovami, ktore možete zastati v občině.