Course · Library · News · Discord · More
wasona.com

D: kiel mi povus tajpi Sitelenponon?

sitelen pona ege mojosas! Sed ĝi ankoraŭ ne estas en Unikodo. Normale tiparoj nur okupiĝas pri signoj kiujn Unikodo difinas. Tio signifas ke tiparoj en via aparato verŝajne entute ne konas Sitelenponon.

Por solvi tion, vi povas instali sitelenponan tiparon! Estas pli ol cent inter kiuj vi povas elekti, do mi elstarigu kelkajn:

Vi ankaŭ konu la jenan tiparon tre historie gravan:

En Diskordo, ni havas roboton, ilo Linku, kiu povas bildigi tekston per iu ajn sitelenpona tiparo! Tiel vi povas babili per Sitelenpono sen instali ion ajn.
En komputilo, vi povas elŝuti iun el la tiparoj supre, kaj alklaki ĝin. Via sistemo do provos instali ĝin.
En poŝtelefono, instali tiparojn estas tre malfacile. Vi eble devus alparoli iun kun teknika scio.

Teknikaj detaloj: askiaj kaj UCSUR-aj tiparoj

Estas ĉefe du metodoj krei sitelenponan tiparon, kiujn ni nomas askiaj tiparoj kaj UCSUR-aj tiparoj.

Per askiaj tiparoj, vi tajpas latinajn literojn, kaj ilin konsumas la tiparo, kiu aŭtomate ŝanĝas ilin al sitelenponaj signoj dum bildigado.

Per UCSUR-aj tiparoj, anstataŭ tajpi latinajn literojn, vi tajpas signojn de alia parto de Unikodo. Unikodo intence lasis tiun parton malplena, por ke aliaj povu uzi ĝin por propraj privataj celoj. Do alia organizaĵo, UCSUR, decidis ke tiu parto nun enhavas Sitelenponon.