ika-1 na aralin: pagbibigkas

Ang Toki Pona ay mayroong 9 na katinig at 5 patinig. I-click mo ang kada isa para marinig mo kung paano sila ibinibigkas!

Kung nagsasalita ka ng Tagalog o Ingles, marami dito ay alam na alam mo na! Pero mayroong dalawang pagkakaiba na kailangan mong intindihin:

• Ang Toki Pona j ay binibigkas kung paano binibigkas ang letrang y Sa Ingles o Tagalog, sa salitang yoga o iyan, hindi ang j sa Ingles o sa salitang jam. Parang ganito ibinibigkas ang y sa German, Finnish, Albanian, atbp.
• Ang Ingles ay may isang sistemang komplikado sa pagbasa ng mga patinig! Ang sistema sa Toki Pona ay mas simple, at magkasingparehas ito doon sa sistema natin sa Tagalog. Alam na alam mo na rin ito kung kahit kailan, natuto ka ng Spanish, Japanese, modernong Hebrew, atbp. Lahat ng mga patinig ay mayroon isang paraan lamang sa pagbibigkas, sa lahat ng sitwasyon, at lahat ng mga letra ay binibigkas.

Sa Ingles, ang isang pantig sa salita nito ay pwedeng magkaroon ng maraming katinig: strengths, sprite, fifths. Parehas rin sa Tagalog, pero hindi kasing kadalas, at madalas lamang sa mga diyalekto: dyaan, dyip, tsokolate. Pero sa Toki Pona, isang katinig lamang o isang patinig ang pwede sa simula ng pantig, at ang n lamang ang pwedeng tumapos nito: ken, li, wan, a.

Ang diin ay nasa pinakaunang pantig ng salita lamang: pona, ala. Parehas rin sa mga mas mahabang salita: kalama, akesi.

Makinig tayo sa iilang mga salita galing sa Toki Pona:

I-click ang salita para makinig kung paano sila ibinibigkas!

Puwede mo ring tignan ang…

• Q: nagbabago ba ang paraan ng pagbibigkas sa magkakaibang tao?